Forsíðan

Foto: Maria Olsen 2008

Elin Brimheim Heinesen CV

Stoffalág 18 FO-100 Tórshavn Fartelefon 21 31 02 Email: elin(at)heinesen.fo www.heinesen.fo

Olfert Fischers Gade 44, st.11 1311 København K Telefon 32 97 60 22

Profil

Fødd tann 25.06.1958 og uppvaksin í Tórshavn. Fekk eina dóttur í 1990. Hevur búð í Danmark síðan 1983, í Keypmannahavn síðan 1986. Flutti til Føroya á várið 2007.

Yrkisroyndir

Stutt yvirlit yvir fakligar royndir:

Bransja	Yrki	Ár
Alment	Stjóri	2
Mentan & miðlar	Journalisur, ritstjóri og blaðstjóri	8
Internet & KT	Webmaster og webritstjóri	7
Marknaðarføring	Marknaðarstjóri/-samskipari	3,5
Pedagogikkur	Lærari (almenfakligur, fólkaskúla og student)	1,5
Søla	Telemarketingkonsulent ur	1
Herav leiðsluroyndir		13

Ummæli

• Ummæli frá Komiteen for Sundhedsoplysning

• Ummæli frá Tiscali A/S (Kvindekanalen.dk)

• Ummæli frá samstarvsfeløgum (Kvindekanalen.dk)

• Ummæli frá Kulturby 96

• Ummæli frá Teknovision

Størv

- í umvendari kronologiskari raðfylgju

• September 2009 -
  Miðla- og menningarleiðari í Kringvarp Føroya. Sí www.kringvarp.fo

• Mai 2007 - August 2009
  Sjóri á SamViti - Faroe Islands Enterprise (Útflutnings- og ferðaráð). SamVit bleiv integreraður partur av Uttanríkisráðnum 1. apríl 2009. Áðrenn samanleggingina var SamVit ein sjávstøðugur almennur stovnur undir Vinnumálaráðnum - tó frá september 2008 undir Uttanríkisráðnum. Uppgávan hjá stovninum var at birta uppundir at burðardyggar vinnur, sum hava alheimin sum marknað, verða mentar. SamVit skuldi økja tilvitanina um kappingarsamleika føroyinga og virka fyri, at føroysk vinna gerst altjóða kappingarfør. SamVit skuldi skapa nýggjar vinnu- og útflutningsmøguleikar við at styrkja innlendis samstarvið, so vinnan stendur sterkari úteftir, knýta sambond og skipa netverkan bæði innlendis og út í heim. Í samstarvi við vinnuna skuldi SamVit kunna um og marknaðarføra Føroyar, føroyskar vørur og tænastur og Føroyar sum íløguland og sum ferðaland. Sí her: www.samvit.fo og www.visitfaroeislands.com

• Juli 2003 - apríl 2007
  Blaðstjóri á KIWI magazine í blaðhúsinum Chili Group. Var við til at stovna magasinið og gera konseptið. KIWI magazine er størsta magasin hjá Chili Group. Tað kemur í 200.000 eintøkum og hevur íflg. Gallup um 400.000 lesarar. Magasinið er 100 prosent lýsingarfíggjað og er ein blandingur av einum brúkarablað og einum dámumagasini, litríkt prentað á blankt pappír og við nógvum góðum praktiskum ráðum, sum skulu gera skundsama gerandisdagin hjá lesarunum lættari - fyrst og fremst ráð um at spara tíð og pening og til at seta egnan dám á tingini. Málbólkurin er mest kvinnur úr 25 til 50 ár. Chili Group hevur avtalu við handilsketuna Netto um ókeypis distribusjón í øllum Danmark móti at Netto hevur serrættindini til at distribuera magasinið. Hygg annars her: www.kiwimagazine.dk og www.chiligroup.dk

• December 2002 - Apríl 2003:
  Í tíðaravmarkaðum starvi sum verkætlanarleiðari í Føroya Tele, har eg kannaði møguleikarnar fyri at grundarlegga eina nýggja handilsligt grundaða sjónvarpsrás bara við føroyskt framleiddum tilfari. Skrivaði rapport um kanningararbeiðið.

• Oktober 2002 - 1. december 2002:
  Flutti til føðilandið Føroyar eitt skifti - m.a. fyri at leggja síðstu hond á ein sjónvarpsfilm í tveimum pørtum hjá Gullu Øregaard um pápa mín, føroyska rithøvundin Jens Paula Heinesen. Stóð fyri tónleikinum, klipti og redigeraði filmin. Hoyr tónleikin her.  

• November 2001 - Oktober 2002:
  Redaktiónsstjóri í Komiteen for Sundhedsoplysning - eitt almennnyttugt felag, hvørs endamál er at fremja heilsu og fyribyrgja sjúku við upplýsing. Komitein gevur út og distribuerar eina røð av prentútgávum og undirvísingartilfari um heilsu. M.a. ungdómsblaðið UNG, sum verður distribuerað í 160.000 eintøkum fýra ferðir um árið til allar 8., 9. og 10. flokkar í Danmark. Sí www.sundhedsoplysning.dk, www.ung-bladet.dk og www.ung-rejseguide.dk. Hevur enn partvíst ábyrgd av webtiltøkunum hjá Komiteini á freelance grundarlag.

• Februar 2000 til Oktober 2001:
  Ritstjóri og stovnari av www.kvindekanalen.dk (link til stóra PDF-fílu!) - eitt netmagasin hjá World Onlines (nu Tiscali) fyri kvinnur við innihaldinum: shopping, brævkassi, kropp & psyka, lívsstílur & mentan, vinna & KT. Stóð fyri visjón, menning av konsepti og strategi, umframt rakstri. Leiðandi meðarbeiðari fyri ein redaktiónsskrivara, umframt 40 tilknýttar freelancarar. Hóast síðan var fimta størsta kvinnusíða í Danmark, mátti hon lata aftur í august 2001, tá inntøkugrundarlagið minkaði dramatiskt orsaka av táverandi heimsumfatandi KT-kreppuni. kun adgang til www.kvindekanalen.dk via login: elin - password: thoka0Qu

• Fra juli 1997 til ?:
  Stovnaði egna einkultmannsfyritøku (í fyrsta umfari tí eg skuldi hava nakað at liva av, meðan eg gekk á Den Danske Filmskole). Fyritøkan bjóðar ymiskar tænastur innan samskifti og vinnuráðgeving, umframt ger heimasíður. Havi haft fleiri størri kundar síðan 1997 m.a. Vinnumálaráðið, Oljumálaráðið, Menningarstovan (Faroe Islands Trade Council). Havi enn fyritøkuna við síðuna av føstum størvum.
  

• 1995- 96:
  Marknaðarsamskipari í Kulturby 96. Her legði eg ætlanir fyri lýsingarframtøk, tilrættislegði og gjørdi lýsingartekstir og lýsingarlayout bæði fyri Kulturby 96 sum heild og fyri einstøk projekt undir Kulturby 96. Eg stóð eisini fyri felags lýsingartiltøkum saman við donsku ferðavinnuni, Danmarks Turistråd og Wonderful Copenhagen, og samráddist dagliga við lýsingarseljararar úr Danmark og úr útheiminum yvirhøvur. Eg skuldi vera til taks fyri tey knapt 600 kulturbýarprojektini og veita teimum ráðgevingartænastu í spurningum um marknaðarføring. Eg samskipaði samarbeiðið um marknaðarføring millum projektini og vann fyrimunir av samarbeiðnum, sum t.d. fekk felags avsláttaravtalur í lag við lýsingarmiðlar. Harumframt stóð eg eisini fyri umfatandi kulturbýarflagguppseting og -útleiðing og fyri ferðslulýsingum annars, tað verið seg streamers og heingiskeltum á og í bussum, uppseting av plakatum í býnum og distribusjón av faldarum í høvuðstaðarbussunum.

• 1994-95:
  Sølu- og marknaðarstjóri á Folketeatret i Keypmannahavn. Her legði eg marknaðarføringina av sjónleikarhúsinum og tiltøkum tess til rættis. Eg skrivaði og sendi út sølubrøv, hevði dagligt samband við og setti saman ’sjónleikarpakkar’ fyri sjónleikaáhugað – serliga meðarbeiðarabólkar úr størri fyritøkum – orðaði tekstir í prentlutum og lýsingum, ritstjórnaði, gjørdi layout og stýrdi framleiðsluni av prentlutum, so sum skráir, plakatir, postkort o.a. Harumframt hevði eg merchandisesølu, sølu av lýsingum til skráirnar og sponsorering um hendi. Eg stovnsetti eina dátabasu, sum fyrst og fremst var nýtt til direct marketing. Og eg sat í ymiskum nevndum og samráddist við áhugabólkar hjá sjónleikarhúsinum, bæði listafólk og vinnulívsfólk.

• 1992-93:
  Marknaðarleiðari í P/F SMS í Havn. Her stovnsetti og framleiddi eg fyrst og fremst lýsingarsendingar við heitinum 'SMS-varpið', sum vóru sendar hvønn týsdag. Sendingarnar høvdu meg sum vert og vardu umleið 5 minuttir hvør í meðal. Innihaldið var bæði lýsingar, samrøður, umtalur av tiltøkum o.a. Harumframt seldi eg SMS-varps- og blaðlýsingar til handlarnar í SMS og umsat ymisku framsýningarnar og tiltøkini, sum fóru fram á torginum hvørja viku.

Áðenn lidnað útbúgving:

• Ársvikarur á Studentaskúlanum í Hoydølum. (Fulla tíð 1981-82)

• Blaðfólk á '14. september' og á mánaðarblaðnum 'Magn'. (Fulla tíð 1978-79)

• Útvarpsmeðarbeiðari og plátuvørður í Útvarpi Føroya (Fulla tíð 1978)

• Læraravikarur á Eysturskúlanum. (Fulla tíð 1977-78)

Meðan eg havi lisið:

• Frásøgufólk og guide á tøknifrøðiligu framsýningini 'Teknovision' í Keypmannahavn. (Summarið 1992).

• Marketingmeðarbeiðari í fyritøkuni EC-Marketing (Parttíð 1987-88)

• Kantinumerðarbeiðari í Føroyahúsinum í Keypmannahavn (Parttíð 1986-87)

• Handilsmeðhjálp í Nýggja Bókhandli. (Summarið 1986)

• Skrivstovuhjálparfólk á Fróðskaparsetri Føroya. (Nógvar summarfrítíðir í tíðarskeiðnum 1983-91)

• Hjálparfólk á Frítíðarheiminum í Skrivaragøtu. (Summarfrítíðirnar 1979-1981)Atgongumerkjasølufólk, barrvørður og kontrollørur i Tórshavnar Jazzklubba. (Vikuskifti 1976-1982)

• Eftiransingarfólk á Listasavni Føroya. (Eftir skúlatíð 1974-76).

Útbúgving

• Filmshandritahøvundaútbúgving (Den Danske Filmskole 1997-1998). Sí prógv.

• Cand.mag. við høvuðsgrein í Listfrøði og mentan (Æstetik & Kultur). (Sí útskrift frá Aarhus Universitets eksamensregister) Sergrein: "At fortælle reklame" - Praktiskt arbeiði við marknaðarføring - við serligum denti á TV-reklamu - grundað á humanistiskar mentanar- og samskiftisteoriir. 313 síður. (Aarhus Universitet 1984-1986 og 1989-1991). (Sí prógv fyri høvuðsfak, umframt døming av serritgerð)

• Hjágrein í Norðurlendskum málum og bókmentum (Fróðskaparsetur Føroya 1979-1981). (Sí prógv fyri hjágrein) Ikki fullførda (hálva) hjágrein í Dramaturgi (Aarhus Universitet 1983-84)

• Erhvervsøkonomisk Suppleringsuddannelse for Humanister (Handelshøjskolen í Kbh. 1987-88). (Sí prógv)
   

Skeið

• Verkætlanarleiðaraskeið - várið 2001. (Sí skeiðsprógv).

• Skeið í tónleikagerð og - smíð á teldu heystið 1995.

• Tøknisamskiftisskeið á vári 1992.

• Herning Højskole á vári 1978. Greinir: Drama, myndalist, tónleikur og bókmentir.

• Tvey skeið í Drama á kvøldskúla vetrarnar 1976 og 1977.
   

Frítíðaráhugamál og freelance arbeiði

Journalistiskt o.a. skriviarbeiði  

• Webmaster og webritstjóri á heimasíðu við kjaki um viðurskiftini millum Føroyar og Danmark: www.fo-dk.dk  (ikki virkin meir), sum fyrstu ferð kom á netið í apríl 2000. Hetta arbeði verður gjørt uttan løn og hevur ligið stilt langa tíð, tí aðrar løntar uppgávur eru farnar avstað við tíðini.

• Skrivi javnliga klummur, kronikkir, greinir og ummæli o.a. almannakunngjørt m.a. í Berlingske Tidende og føroyskum dagbløðum. Geri journalistiskar kanningaruppgávur sum freelancari.

• Havi gjørt ymiskar prentaðar útgávur, einamest við ráðgeving í marknaðarføring.

• Skrivi filmshandrit - sí meira her.

• Sí dømi um egnar tekstir her og her:

Internet

• Designi heimasíður til Internetið og fáist við at kanna og brúka internetið aktivt fyri at vera up-to-date á økinum

Tónleikur og sjónleikur

• Komponeri, skrivi sangir og syngi (frá 1964 til ?).
  Útgivið "Nalja" við 10 løgum á kassettubandi (1988) og fløgu (1998), saman við Kára Jacobsen. Hoyr MP3 udgávur av einum lag: Eitt dýpi av dýrari tíð og les sangtekstin her. Meira um mín tónleik á www.myspace.com/elinheinesen

• Sungið á tónleikaútgávum, bæði á egnum og hjá øðrum. Og upptraðkað í studentakabarettum og til konsertir, mest í Havnar Jazzklubba (frá 1975 til ?).

• Spælt sjónleik í sangleikum, so sum "Seymistovan" í Sjónleikarhúsinum og aðrastaðni í Føroyum (1978) og í "Glataðu spælimenninir" eftir William Heinesen í Norðurlandahúsinum (1993).

• Skipað fyri konsertum. Verið við til at stovna Havnar Jazzfelag, Føroya Fólkatónleikarafelag, og Felagið Føroyskir Tónasmiðir. Var nevndarlimur í Havnar Jazzfelag í fleiri ár.

• Arbeitt við einstøkum projektum, so sum tónleikin til eitt stórt elspariframtak hjá SEV í Útvarpinum í 1991

Útvarp, sjónvarp og filmur

• Var við í V4 í fleiri ár, tá hetta var ein beinleiðis send undirhaldsending sum ferðaðist kring oyggjarnar við skemti og sangi. (1975-78)

• Gjørt útvarpssendingar við millumbilum síðani 1975. Sum útvarpsvertur havi eg gjørt tónleikasendingar, t.d. framleitt 9 sendingar um jazz-søguna (1979 ). Spælt við í nógvum hoyrispølum, gjørt barnaútvarp, lisið søgur upp í barnaútvarpinum, sungið barnaløg (frá 1980-?), skrivað handrit til og framleitt barnahoyrispæl fyri børn í 6 pørtum (1994-95).

• Sjónvarpsvertur í føroyskum barnasjónvarpi (1985)

• Gjørt tvey tónleikavideoløg (1985 og 1988).

• Sum marknaðarleiðari í SMS, framleiddi eg eina sending uppá umleið 5 minuttir hvørja viku kallað 'SMS-varpið' í eitt ár, har eg eisini var vertur.

• Spældi ein lítlan leiklut í filinum hjá Katrin Ottarsdóttir "Atlantic Rhapsody" (1989).

Málkunnleiki

EDV-royndir

SAMBAND: Send teldupost til elin(at)heinesen.fo ella ring tlf. +298 21 31 02