yndisløg

yndisløg - ein ferð aftur í farnar tíðir

Innihald á hesi síðu

- leingi ávegis
- ognað minninum um maud og svenn
- keyp fløguna og stuðla krabbameinsfelagnum
- lurta eftir brotum frá fløguni
- keyp gávukort nú sum gávu og fá fløguna sendandi seinni!
- ein sera vælhóskandi gáva til tey, sum tú elskar
- gávukort? gávupappír? tú velur...
- far víðari til bílegging

 Read this page in English:

leingi ávegis

lurta eftir brotum frá fløguni:

1. Verðin undurfull er (What a Wonderful World)
2. Mussa meg (Besame Mucho)
3. Ynski (May Each Day)
4. Nánd (De nære ting)
5. Halt mær til góðar (Rose Garden/I beg your pardon)
6. Lættur í lund
7. Sangur um frælsi (Sång om Frihet)
8. Lorelei
9. Elska eymligt (Love Me Tender)
10. So fitt sum í gomlum døgum (Så sødt som i gamle dage)
11. Áarvegurin (Streets of London)
12. Mín einasti eini (Du ar den ende)
13. Nu folder jeg hånd og tanke
14. Veraldarendi (The End of the World)
15. Lít allar tínar leiðir

Eftir fleiri ára bíðitíð bar endiliga til summarið 2010 at ogna sær fløguna hjá Elini Brimheim Heinesen & Ad Libitum: Yndisløg - ein ferð aftur í farnar tíðir. Ein fløga, ið floymir yvir av nostalgi, romantikki, eftirhugsni, kærleika til menniskju og vilja til lívið.

Fløgan varð innspæld ávikavist í sept. 2005 og jan. 2007, har tað mesta var upptikið live í upptøkuhølunum. Men fløgan var sera leingi ávegis orsaka av trupulleikum at fáa endaligu rættindini til at geva løgini út í føroyskari útgávu.

Men so kom hon endiliga út:
tann 12. juli 2010!

ognað minninum um maud og svenn

Fløgan er ognað systkjunum Maud Heinesen og Svenn Brimheim, sum bæði doyðu av krabbameini ávikavist í 2005 og 2006 - og er givin út til minnis um øll tey, sum henda herviliga sjúka hevur tikið av døgum gjøgnum tíðirnar. Fløgan er ein fagnaður til ta tíðina, okkara kæru vóru ung og frísk - og til tann frálíka tónleik, tey góvu okkara ættarliði í arv.

Løgini á fløguni eru fyrst og fremst yndisløg hjá Maud og Svenn. Meðan tey bæði bardust fyri at basa sjúkuni og øll familjan savnaðist fyri at ugga hvønnannan, sang Elin ofta hesi løgini, meðan Svenn spældi guitar . Ein dagin helt mamma Elina fyri, at tað var løgið, at eingin hevði umsett hesar góðu 'evergreens' til føroyskt fyrr. Tað setti Elina í gongd at týða ella umyrkja løgini til føroyskt.

 
keyp fløguna og stuðla krabbameinsfelagnum

Til ber at bíleggja fløguna  - og soleiðis tryggja sær eitt ella fleiri eintøk av fløguni.

Ætlanin við útgávuni er eisini at stuðla Krabbameinsfelagnum. Felagið fær 20 kr. av hvørji seldari fløgu í stuðli til arbeiðið við at basa sjúkuni og hjálpa krabbameinssjúklingum og avvarandi.

keyp gávukort nú sum gávu og fá fløguna sendandi seinni!

Kundi tú hugsað tær at givið fløguna í gávu? So ber til at keypa gávukort her og tryggja sær eitt ella fleiri eintøk av fløguni, sum verða send beinleiðis heim til tín - ella annan móttakara eftir tínum vali.

Fløgan kostar einans 169 kr. OBS! Krabbameinsfelagið fær 20 kr. av hvørjum seldum eintaki.

ein sera vælhóskandi gáva til tey, sum tú elskar

Fløgan er serliga vælegnað at keypa...
- til tann ella tey, sum tú ert serliga góð/ur við
- til tíni foreldur ella onnur eldri í familjuni ella millum vinir, sum minnast løgini frá ungum árum
- til tey, sum elska akustiskan, ópretentiøsan live tónleik
- til tín sjálvs, bert tí tær dámar tónleikin... :-)
- og annars til øll, sum vilja stuðla bardaganum móti krabbameini

gávukort? gávupappír? tú velur...

Tú hevur møguleika fyri at velja beinleiðis at prenta eitt gávukort út frá hesari síðuni at geva í gávu. Fylg vegleiðingini á Bíleggingarsíðuni.

Tú kanst eisini fáa fløguna sendandi í gávupappíri fyri ein lítlan eyka kostnað, um tú biður um tað.

far víðari til:

Bílegging

... ella send ein teldupost til elinbheinesen@me.com og tryggja tær eitt ella fleiri eintøk av fløguni "Yndisløg - Ein ferð aftur í farnar tíðir", sum tú fært sendandi við postinum.

Gávan verd at bíða eftir! :-)